Nongqai Vol 17 No 8 – Die roos Polisiedame
Abstract (English)
This article by Ida Steyn recounts the creation of the Polisiedame, a rose, a unique yellow rose cultivated to commemorate the tenth anniversary of the appointment of the first women in the South African Police Force. Brigadier Steve van Rooyen and Amanda Louw initiated the idea, and renowned rose grower Ludwig Taschner developed the cultivar with the approval of the Commissioner, General Hennie de Witt.
The rose, symbolising light, hope, warmth, and appreciation, was named “Polisiedame” to honour the courage and dedication of South African policewomen. The first rose was presented to Mrs. Corrie Vlok, wife of Minister Adriaan Vlok, marking its place as a living monument to the pioneering women of the police. The article concludes that the rose continues to bloom as a lasting tribute to their service and legacy.
(Cited from the document: “Die Polisiedame-roos herinner ons daaraan dat die nalatenskap van die pioniersvroue… leef in ’n blom wat hul moed, deursettingsvermoë en diens aan Suid-Afrika simboliseer.”)
Key Words
“Polisiedame” ‘n Geel Roos, South African Policewomen, 10th commemoration Women Police, Ludwig Taschner, Brigadier Steve van Rooyen, Amanda Louw, Hennie de Witt, Corrie Vlok, Adriaan Vlok, yellow rose, symbolism, hope, courage, dedication, South African Police history, Nongqai
DIE POLISIEDAME-ROOS – ‘N BLOM WAT DIE GESKIEDENIS LAAT VOORTLEEF
Ida Steyn
Met die tiende herdenking van die aanstelling van die eerste vroue in die Suid-Afrikaanse Polisiemag is besluit dat hierdie mylpaal op ‘n besondere wyse verewig moes word. Die doel was om iets te skep wat nie net vir daardie dag betekenis sou hê nie, maar wat nog vir geslagte daarna die verhaal van die polisievrou sou vertel.
Brigadier Steve van Rooyen, lid van die reëlingskomitee, het saam met Amanda Louw die gedagte ontwikkel om ‘n unieke roos te laat kweek ter ere van die polisievroue.
Hulle het die bekende rooskweker, Ludwig Taschner, op sy roosplaas buite Pretoria besoek. Hy het die voorstel met groot entoesiasme ontvang en ingestem om ‘n nuwe rooskultivar te ontwikkel.
Nadat die destydse Kommissaris, Generaal Hennie de Witt, sy goedkeuring verleen het, het die droom begin vorm aanneem. Die nuwe roos moes ‘n Afrikaanse naam dra wat ook internasionaal verstaan kon word. Só is die naam “Polisiedame” gebore.
Dit was geen toeval dat die roos ‘n pragtige geel blom geword het nie. Geel simboliseer lig, hoop, warmte en waardering – eienskappe wat die diens, moed en toewyding van die Suid-Afrikaanse polisievroue weerspieël.
Die eerste Polisiedame-roos is later aan mevrou Corrie Vlok, eggenote van die destydse Minister van Wet en Orde, mnr. Adriaan Vlok, oorhandig. Daarmee het die roos sy plek in die geskiedenis ingeneem as ‘n lewende monument vir die vroue wat nuwe paaie in die polisiemag oopgestap het.
Vandag, dekades later, blom die verhaal steeds voort. Die Polisiedame-roos herinner ons daaraan dat die nalatenskap van die pioniersvroue nie net in medaljes, uniforms of foto’s leef nie, maar ook in ‘n blom wat hul moed, deursettingsvermoë en diens aan Suid-Afrika simboliseer.
Mag hierdie besondere roos vir altyd ‘n teken wees van eer, respek en dankbaarheid teenoor elke vrou wat met trots die blou uniform gedra het. 
Koester jou drome en kom ons almal bou voort aan ons. Geskiedenis.
Groete Ida
Bron: Gloriejare van die Suid-Afrikaanse Polisiemag: Hennie Heymans
