YSTERMAN BENNO WIL SPELE TOE

Ysterman Benno Schoeman, ‘n 19-jarige Suid-Afrikaanse para-atleet wat in die T/F37-klassifikasie (regter hemiplegie) meeding, is op ‘n missie – om aan die 2028 Paralimpiese Spele in Los Angeles deel te neem.

Serebrale Gestremdheid sedert geboorte

Benno is met serebrale gestremdheid gebore ná ’n beroerte in die baarmoeder en doktors was skepties dat die baba ooit sou kon loop, praat of skryf. ‘Gelukkig was daardie dokters nie sportkeurders nie, want God het hulle verkeerd bewys,’ vertel Benno. Met baie geloof, deursettingsvermoë en ‘n goeie skeut Vrystaatse koppigheid het Benno en sy ouers Carel en Jacomina ’n gesonde ondersteuningsnetwerk vir Benno geskep, en so het hy sy pad na die naaste atletiekbaan in Nigel gevind. Met ‘n wil van sy eie en ystere toewyding het die gestremde seuntjie ‘n atleet geword en as junior Gauteng-provinsie by die Suid-Afrikaanse Nasionale Paralimpiese Kampioenskappe van 2021 tot 2025 verteenwoordig.

Pa Carel (Calla) Schoeman het in die 1970’s die rugbywêreld aan die brand gespeel as losvoorspeler vir Transvaal Onder Twintigs’, en in die 1988 ‘n gesogde Ysterman medalje gewen toe hy daardie brutale ultra-driekamp by Hartbeestpoortdam voltooi het. Benno se jonger suster Talitha is die huidige nasionale junior berede boogskietkampioen.

Swem

Naelloper, verspringer, diskus. gewigstoot en spiesgooi

Benno behaal as junior veertien podiumplekke in verskeie items, insluitende die 100 meter naelloop, verspring, diskus, gewigstoot en spiesgooi. ‘Ek hou daarvan om goed rond te gooi, en te spring maar ons gestremde ouens moes leer om in ‘n amper reguit lyn te hardloop en dit is nogal moeilik.’ Die 2025-seisoen, Benno se laaste jaar as ’n o/20-atleet, was sy beste nóg. Hy het vier goue medaljes en een silwermedalje verower en daarin geslaag om ’n nuwe Suid-Afrikaanse o/20-rekord in die diskus op te stel. ’n Goue oomblik wat al die vroeë oggende en seer spiere die moeite werd gemaak het, reken Benno.

Perdry

Kano

Klein begin, groot gewin

Benno se eerste senior seisoen

In 2026 betree Benno sy eerste senior seisoen, waar almal vinniger, sterker en baie minder beïndruk is deur junior medaljes. Hy is gekies om Gauteng te verteenwoordig by die Senior Suid-Afrikaanse Nasionale Kampioenskappe in Kaapstad (Maart 2026), waar hy aan die 100 m, 200 m,
verspring, diskus en spiesgooi (T/F37) gaan deelneem. Benno gaan ook sy internasionale debuut tydens die Winelands Internasionale Byeenkoms in Stellenbosch maak, en hy is geoormerk vir moontlike keuring om Suid-Afrika in die 2026 Statebondspele in Glasgow (23 Julie – 2 Augustus 2026) in die 100 meter (T37/T38) te verteenwoordig. Hierdie item is toevallig die enigste medalje-item in my klassifikasie. Die finale keuring vind ná die Senior Nasionale Kampioenskappe plaas, maw. hierdie seisoen is minder “opwarmrondte” en meer “alles tel”.

Rolskaats

Fietsry

Valskermsweef

Die Statebondspele

‘Die Statebondspele is nou my eerste groot mylpaal wees op die pad na die 2028 Paralimpiese Spele,’ sê Benno. ‘As ek dit nie hierdie keer maak nie, verander die plan nie: harder oefen, internasionaal meeding en aanhou verbeter—terwyl ek die reis geniet.’

Perdry

Verspring (foto deur Martin Potgieter)

Diskus (foto deur Martin Potgieter)

‘Fondsinsameliing is harde werk’

Om hierdie droom (en sy liggaam) oor die volgende drie maande aan die gang te hou, is Benno en sy ouers se korttermyndoelwit om R30 000 in te samel om afrigtingskoste, fisioterapie en die meeste van die uitgawes vir deelname aan die Nasionale Kampioenskappe te dek. Elke skenking help om die kilometers aan te dryf, die pyne te verlig en te bewys dat koppige vasberadenheid saam met ’n ondersteunende gemeenskap ’n baie lang pad kan stap. Na die Senior Nasionale Kampioenskappe sal ek op die 100 m, 200 m en verspring fokus, aangesien dit tans my sterkste items op internasionale vlak is. Om aan te hou vorder, is blootstelling aan internasionale kompetisie noodsaaklik. ‘Ongelukkig aanvaar die ouens wat trein-, vlieg- en buskaartjies verkoop nie my wilskrag en motivering as betaalmiddel nie,’ lag Benno. 

Naelloper

Klik op hierdie skakel om ‘n skenking te maak

Ability in Action: Benno’s Paralympic Goal | BackaBuddy

Benno Schoeman – Ysterman