Janine van Rooyen – Nongqai Vol 17 No 5
JANINE VAN ROOYEN
•My loopbaanoorsig – SAPD
•Diensjare en Ondersoeksuksesse
•SAPD Opleiding en Vroeë Diensjare
Via Ida Steyn
•Julie 1984 – Desember 1984
Student aan die SAP Kollege, Mtubatuba.
Na voltooiing van kollege-opleiding is ek oorgeplaas na SAP Berea waar ek in uniform diens gedoen het. Slegs ses weke ná kollege was ek reeds betrokke by my eerste skietvoorval – ’n ervaring wat die begin van ’n lang en uitdagende loopbaan sou wees.
•1987 – 1992
Uniformdiens by SAP Addo.
Gedurende hierdie tydperk het ek waardevolle ondervinding in polisiëring, gemeenskapsveiligheid en misdaadbekamping opgedoen.
•1993 – 2004
Moord- en Roofeenheid – Empangeni
Speurder: Moord- en Roofeenheid, Empangeni.
Hierdie tydperk was gevul met hoëprofiel ondersoeke en groot suksesse in ernstige misdaadsake.
Hoogtepunte in my loopbaan:
••Britse Toeriste Moordsaak – Sodwana Baai (1994)
Twee Britse toeriste is naby Sodwana Baai vermoor. Die saak het internasionale aandag geniet. Ná vyf jaar is die saak suksesvol opgelos toe die beskuldigde homself aan die SAPD by Mabibi oorgegee het.
••Die Sheriff van Empangeni Skietvoorval
Die Sheriff van Empangeni is doodgeskiet tydens ’n beslaglegging op eiendom. Die eienaar van die eiendom het daarna sy voormalige sekretaresse gewond.
Ek het die verdagte gearresteer terwyl hy onderweg was na sy vrou se werks-plek. Die verdagte het later selfmoord in die polisieselle gepleeg.
••Terry Webb Ontvoering- en Moordsaak (1996)
In 1996 is Terry Webb van Spoornet op ’n Vrydagaand gekaap.
Die volgende dag, terwyl ons besig was met ’n optrede, is ek na die toneel in Ndondota buite Empangeni ontbied. Ná deeglike opvolgwerk en intelligensie-insameling is die Spoornet-bakkie Sondagaand by ’n kraal opgespoor.
Deur die nag tot Maandagaand is vyf verdagtes gearresteer. ’n Haelgeweer met ammunisie, sowel as eiendom van die vermiste, is in hulle besit gevind.
Dinsdagoggend om 01:15 het die verdagtes die polisie geneem na die plek waar die oorledene se liggaam weggegooi is.
Die saak is suksesvol in die Hooggeregshof vervolg en het gelei tot lewenslange gevangenisstrawwe vir die beskuldigdes.
☆Internasionale Erkenning:
Verskeie van hierdie sake het internasionale nuus gehaal. Ek het onder andere onderhoude aan die BBC toegestaan oor die suksesvolle ondersoeke en arrestasies wat deur ons span uitgevoer is.
☆Aftrede
In 2005 is ek medies ongeskik verklaar en tree af uit die SAPD.
Sedert Mei 2025 geniet ek my pensioen ná jare van toegewyde diens, opofferings en betrokkenheid in die stryd teen ernstige misdaad in Suid-Afrika.
Groete en voorspoed aan elke lid.
Janine van Rooyen
