AFRIKANERS IN AMERICA

Abstract

The 49 Afrikaners are not the first to move from South Africa to America. After the Anglo Boer War former Boer fighters settled in Argentina, South America while for e.g. two others settled in North America – incidentally both were in New York, Sgt Andries (Andy or “Tall Andy”) Geyer rose to the rank of sergeant in the New York Police Department (NYPD) and at one time directed traffic on the intersection of Broadway and 42-Street – one of the busiest places in the world. The other one I know of is Fritz Joubert Duquesne – he became amongst other things a spy for the Germans during the Second World War and he and his Spy Ring (including a South African German from Pretoria) was arrested by the Federal Bureau of Investigation (FBI).

Keywords

• Anglo Boer War
• Argentina
• Cronje, Piet – Boer-General
• Diaspora, Afrikaner
• Duquesne, Fritz Joubert
• Federal Bureau of Investigation (FBI).
• Fillis Circus
• Fillis, Frank
• Geyer, Andries
• Hough, Jannie – Constable
• Jonker, HH – Head-Constable
• Malherbe, EG Prof
• Malherbe, Janie (Mrs)
• New York Police Department
• Second World War
• Spy Ring
• St Helena POW Camp
• Swart CR – Minister of Justice later first State President
• Viljoen, Ben Boer-General
• Zenzinger, BW

AFRIKANERS IN AMERIKA

Brig HB Heymans (SAP – Afgetree)

Die diaspore van die Afrikaners het nie met die 49 Afrikaners wat pas in Amerika aangekom het, begin nie. Die verskuiwing na Noord- en Suid-Amerika het na die tweede Anglo-Boereoorlog begin. Sedert 1994 is die Afrikaner-diaspora in volle gang, daar is nie ‘n land waar daar nie ‘n Afrikaner of Suid-Afrikaner is nie. Oud-polisiemanne is ook oor die aardbol versprei.

Die Afrikaners in Argentinië verwys na die sowat 600 Afrikaners wat tussen 1902 en 1906 uit Suid-Afrika na Argentinië geëmigreer het en hul nasate, van wie enkeles vandag nog woon in die provinsie Chubut, sowat 1 600 km suid van die hoofstad, Buenos Aires. Hulle het hoofsaaklik geëmigreer omdat dit te swaar was om hul lewe in hul vaderland uit die puin van die Tweede Vryheidsoorlog weer op te bou nadat talle alles verloor het weens die Britte se verskroeideaardebeleid. Sommige het ook nie kans gesien om dit onder die Britse gesag te doen nie. ’n Groot gedeelte van hulle het in 1938 die aanbod van repatriasie na die Unie van Suid-Afrika aanvaar nadat die Suid-Afrikaanse regering en NG Kerk hulle gesamentlik beywer het vir die Afrikaners se terugkeer. Tradisioneel was die meeste Afrikaners in Argentinië gemoeid met skaapboerdery op die Pampas, noordwes van die windverwaaide hawedorp Comodoro Rivadavia^[1].

Dis eintlik oor Boere (Afrikaners) in Amerika waarvoor ek my wil uitlaat.

Fritz Joubert Duquesne

Een van die bekendste oud-Boerevegters is Fritz Joubert Duquesne. Wikipedia beskryf hom soos volg: Frederick “Fritz” Joubert Duquesne (soms geskryf as Du Quesne en uitgespreek in Afrikaans as Doe-kein) (21 September 1877 – 24 Mei 1956) was ’n Suid-Afrikaanse Boeresoldaat, krygsgevangene, grootwildjagter, joernalis, oorlogskorrespondent, Anglofoob, makelaar, saboteur, spioen en avonturier wie se haat vir die Britte hom gedryf het om vrywillig in albei Wêreldoorloë vir Duitsland te spioeneer. As Boerespioen was hy bekend as die Swart Luiperd en hy is ook bekend as die man wat Kitchener se dood veroorsaak het aangesien hy beweer dat hy in 1916 die HMS Hampshire gesaboteer en laat sink het waarop Lord Kitchener was op weg na Rusland. As Duitse spioen was sy kodenaam DUNN. In 1942 is hy en 32 ander lede van die Duquesne Spioenasiesindikaat skuldig bevind in die grootste spioenasieverhoor in die geskiedenis van die VSA.^[2]

Daar is baie legendes en stories oor Duquesne maar een feit is: Hy en ander is skuldig bevind aan spioenasie tydens die tweede wêreldoorlog. Een van sy spioene was ene BW Zenzinger – ‘n Duitser van Pretoria.

FBI – Duquesne Spy Ring

Sersant Andries Geyer (NYPD)

Die boonste foto kom uit die Nongqai van September 1946.

Ek is altyd op die soek na geskiedenis boeke, ‘ou-goed’ en nie-fiksie boeke. Dit is die eerste keer dat sers Andries Geyer onder my aandag gekom het.

Op ‘n boekuitverkoping koop ek ‘n boek deur prof EG Malherbe – ‘n voormalige hoof van Militêre Inligting gedurende die tweede wêreldoorlog en later die rektor van die Universiteit van Natal (UND). Omdat ek aan UND gegradueer het, het ek die boek, Never a Dull Moment, gekoop en groot was my verbasing toe ek op bladsy 97 weer die storie van Andries Geyer NYPD raaklees. Sers Geyer se storie word daar weergegee.

Later kom ek op die Nongqai van April 1951 bladsy 421 op die volgende af:

Later het ek vir meer inligting oor hom gesoek en op die volgende Nongqai afgekom gedateer November 1951 afgekom:

Lt-genl JJ Viktor het my vertel dat hy as 1ste/klas speurder-sersant van die bedrogstak, Marshallplein, vir sers Andries Geyer in New York ontmoet het toe hy een van sy beskuldiges aldaar na die RSA moes vergesel na arrestasie. Sers Andries Geyer het as Sgt “Guy-er” bekend gestaan.

1. https://af.wikipedia.org/wiki/Afrikaners_in_Argentini%C3%AB – afgelaai op 14 Mei 2025 ↑
2. https://af.wikipedia.org/wiki/Fritz_Joubert_Duquesne – afgelaai op 14 Mei 2025 ↑