“AMPER MY MENSE” (Dot Serfontein)
Brig Hennie Heymans (SAP Afgetree)
Abstract
| Some views held by the Boers after the war about the police in the Free State was that former Tommies were not welcome nor invited into their homes. |
Keywords
|
Dot Serfontein
Ek is baie lief vir die skryfster Dot Serfontein se werk. Dot Serfontein is die Moeder van Antjie Krog – ook ‘n skryfster. Dot Serfontein het ‘n goeie boek geskryf oor die geskiedenis van Kroonstad en distrik in die Oos-Vrystaat. Die geskiedenis speel af tydens die Anglo Boere-oorlog tot en met die Rebellie. Daar is ‘n goeie hoofstuk oor die (rooi) Afrikanerbees.
My Ouma was ‘n nooi Faure wat ook van daardie wêreld af gekom het daarom het ek die boek gekoop. My Oupagrootjie Prinsloo se plaas was “Waterval” buite Kroonstad naby Petrus Steyn. My Ouma het ‘n Oom gehad, die alom bekende Doors Serfontein.
Ek lees boeke baie keer met die oog op ons polisie se ontstaansgeskiedenis en ontstaansontwikkeling. Mens weet baie dinge maar mens het nie altyd ‘n bron wat as stawing kan dien nie.
Amper my Mense by Dot Serfontein
Dot Serfontein skryf dat Kroonstad twee Britse kampe gehad het waar baie Engelse gestasioneer was. Heelwat soldate het na die vrede in Kroonstad agtergebly. Die Engelse het bouers, algemene handelaars en by die spoorweë en polisie aangesluit. Die vermelde beroepe “… het soveel Tommies gelok dat Afrikaners vir jare na die oorlog dikwels nie polisiemanne in hul huise wou innooi nie (p 80)”.
Kommentaar
Die plaaslike polisiemagte in die Vrystaat was die Oranje Vrijstaat Rijdende Dienstmacht opgevolg deur die South African Constabulary, Orange River Colony Police en die Zuidafrikaansche Politie (ZAP) later SA Polisie.
